Bəner
Bəner
Bəner
Bəner
Bəner
Bəner
Bəner
Bəner
Bəner
Bəner

contacts_white

TEL: 464 41 56

FAX: 464 41 57

office@iswm.az; www.iswm.az

AZ1025, Bakı, Azərbaycan, Xocalı prospekti 55, AĞA İş Mərkəzi

Xəbərlər
20 illik İnkişaf Strategiyası müzakirə edilmişdir PDF faylını al Çap E-poçt

İyunun 25-də Bakıda İqtisadi İnkişaf Nazirliyi və Dünya Bankı tərəfindən birgə həyata keçirilən "Bərk məişət tullantılarının vahid idarəçiliyi layihəsi" çərçivəsində Bakı şəhərində bərk məişət tullantılarının idarəçiliyi üzrə 20 illik inkişaf strategiyasının hazırlanması üzrə tədqiqatların nəticələrinə dair müzakirələr aparılmışdır.

Bununla bağlı keçirilmiş təqdimatda aidiyyəti dövlət qurumlarının, Bakı Şəhər İcra Hakimiyyətinin və paytaxt rayonlarının icra hakimiyyəti orqanlarının, qeyri-hökumət təşkilatlarının və layihə çərçivəsində tədqiqatların həyata keçirilməsi məqsədilə cəlb edilmiş Türkiyənin "Ekodenge" şirkətinin nümayəndələri iştirak etmişlər.

Tədbirdə İqtisadi İnkişaf Nazirliyinin şöbə müdiri Sahil Babayev Bakı şəhərində bərk məişət tullantılarının idarəçiliyi üzrə 20 illik inkişaf strategiyasının hazırlanması ilə bağlı aparılan tədqiqatların ilkin nəticələr barədə məlumat vermişdir. Qeyd edilmişdir ki, strategiyanın hazırlanması istiqamətində demoqrafik göstəricilər, tullantı miqdarının proqnozlaşdırılması, mövcud tullantı idarəçiliyi sistemləri, tullantıların tərkibinin tədqiqi, hüquqi aspektlər, institusional və maliyyə analizləri və tariflərin öyrənilməsi üzrə analitik təhlillər artıq yekunlaşmış və müvafiq hesabatlar hazırlanmışdır.

Tədbirdə "Ekodenge" şirkəti tərəfindən Bakı şəhərində bərk məişət tullantılarının idarəçiliyi üzrə mövcud vəziyyət, bu sahədə institusional və maliyyələşdirmə məsələləri, həmçinin 20 illik inkişaf strategiyasının hazırlanmasına dair tövsiyələrlə bağlı təqdimatlar keçirilmiş, mövzu ətrafında müzakirələr və fikir mübadiləsi aparılmışdır.

 
Bərk Məişət Tullantılarının Vahid İdarəçiliyi Layihəsi dəvət edir PDF faylını al Çap E-poçt

Azərbaycan höküməti və Dünya Bankının birgə həyata keçirdiyi Bərk Məişət Tullantılarının Vahid İdarəçiliyi Layihəsi çərçivəsində Balaxanı şəhər tullantılarının zərərsizləşdirmə poliqonunun bağlanması və ya  bərpası, poliqon ərazisində yeni hücrələrin tikintisi, Qaradağ və Suraxanı poliqonlarının bağlanması və ya bərpası, eləcə də Bakı şəhəri ərazisində mövcud qeyri-qanuni tullantı sahələrinin bağlanması/təmizlənməsi nəzərdə tutulur. Azərbaycan Resbublikasının mövcud qanunvericiliyi və Dünya Bankının qaydalarına əsasən layihə çərçivəsində cəlb olunmuş məsləhətçi şirkət tərəfindən yuxarıda sadalanan işlər üzrə Ətraf Mühit və Sosial Təsirlərin Qiymətləndirilməsi (ƏMSTQ) sənədləri hazırlanmışdır.

Yuxarıda qeyd olunanları nəzərə alaraq Bərk Məişət Tullantılarının Vahid İdarəçiliyi Layihəsi bütün maraqlı tərəfləri hazırlanmış ƏMSTQ sənədlərinə rəy və təkliflərini verməyə dəvət edir. 

ƏMSTQ sənədləri aşağıda göstərilən internet ünvanlarında yerləşdirilmişdir:

  1. http://www.iswm.az/az/component/content/article/12-layh-sndlr/106-balaxan-poliqonunun-balanmas-v-brpaspoliqon-razisind-yeni-huecrlrin-tikintisi-uezr-mstq-hesabat.html
  2. http://www.iswm.az/az/component/content/article/12-layh-sndlr/99-balaxan-poliqonunun-balanmas-v-brpaspoliqon-razisind-yeni-huecrlrin-tikintisi-uezr-mstq-hesabatnn-xuelassi-.html
  3. http://www.iswm.az/az/component/content/article/12-layh-sndlr/105-boeyuek-bak-razisind-qeyri-qanuni-tullant-sahlrinin-brpas-v-balanmas-uezr-mstq-hesabat.html
  4. http://www.iswm.az/az/component/content/article/12-layh-sndlr/100-boeyuek-bak-razisind-qeyri-qanuni-tullant-sahlrinin-brpas-v-balanmas-uezr-mstq-hesabatnn-xuelassi-.html
  5. http://www.iswm.az/az/component/content/article/12-layh-sndlr/107-qarada-v-suraxan-poliqonlarnn-balanmas-v-brpas-uezr-mstq-hesabat.html
  6. http://www.iswm.az/az/component/content/article/12-layh-sndlr/104-qarada-v-suraxan-poliqonlarnn-balanmas-v-brpas-uezr-mstq-hesabatnn-xuelassi.html

Maraqlı tərəflər həmçinin ƏMSTQ sənədlərinin çap nüsxələri ilə aşağıda göstərilən ünvanda tanış ola bilərlər. Rəy və təkliflər 20 aprel 2012-ci il tarixinədək, Bakı vaxtı ilə saat 18-00-dan gec olmayaraq aşağıdakı ünvana göndərilə bilər. 


Azərbaycan Respublikası İqtisadi İnkişaf Nazirliyi 
Bərk Məişət Tullantılarının Vahid İdarəçiliyi Layihəsi üzrə Layihənin İdarəetmə Qrupu 
Direktor müavini Vüsal Nəsirli - E-mail:   Hazır ki e-mail adres spam botlar tərəfindən qorunur , Baxmaq üçün Javascripti aktiv etməlisiniz.                              
Ətraf mühit üzrə mütəxəssis Faiq Sadıqov  - E-mail:   Hazır ki e-mail adres spam botlar tərəfindən qorunur , Baxmaq üçün Javascripti aktiv etməlisiniz.  
Xocalı prospekti 55, AGA İş Mərkəzi 
AZ1025, Bakı, Azərbaycan

 
Bərk məişət tullantılarının idarəçiliyinə dair Milli Qiymətləndirmə Sənədinin ilkin layihəsi müzakirə edilmişdir PDF faylını al Çap E-poçt

Martın 15-də Bakıda İqtisadi İnkişaf Nazirliyi və Dünya Bankı tərəfindən birgə həyata keçirilən “Bərk Məişət Tullantılarının Vahid İdarəçiliyi Layihəsi” çərçivəsində Azərbaycanda bərk məişət tullantılarının idarəçiliyi ilə əlaqədar milli qiymətləndirmə sənədinə dair müzakirələr aparılmışdır. 

Bununla bağlı keçirilmiş təqdimatda aidiyyəti dövlət qurumlarının, yerli icra hakimiyyəti orqanlarının, beynəlxalq maliyyə institutlarının və layihə çərçivəsində tədqiqatların həyata keçirilməsi məqsədilə cəlb edilmiş Danimarkanın “COWI” şirkətinin nümayəndələri iştirak etmişlər.

Tədbiri açan İqtisadi İnkişaf Nazirliyinin şöbə müdiri Sahil Babayev Azərbaycanda bərk məişət tullantılarının idarəçiliyi ilə əlaqədar milli qiymətləndirmə sənədinin ilkin nəticələri barədə məlumat vermişdir. Qeyd edilmişdir ki, ölkəmizdə bərk məişət tullantılarının idarəçiliyi ilə əlaqədar Milli Strategiyanın hazırlanması nəzərdə tutulur ki, bu sənəd bütün ölkə ərazisində etibarlı, davamlı və səmərəli bərk məişət tullantılarının idarəçiliyi proqramının həyata keçirilməsinə imkan verəcək. Hazırda Milli Strategiyanın hazırlanması üçün məsləhətçi qismində layihəyə cəlb edilmiş Danimarkanın “COWI” şirkəti tərəfindən müvafiq tədqiqatlar aparılır. Belə ki, 2011-ci ildə şirkət tərəfindən 6 pilot ərazidə - Xaçmaz, Sabirabad, Şamaxı, Şəki, Mingəçevir və Naftalanda məişət tullantılarının yaranması, toplanması və zərərsizləşdirilməsi ilə bağlı ilkin tədqiqatlar aparılmışdır. Layihə çərçivəsində bu ərazilərdə formalaşan tullantıların tərkibi, həcmi, toplama və zərərsizləşdirmə avadanlıqları, aidiyyəti qurumların vəzifələri kimi məsələlər araşdırılmış, məişət tullantılarının idarə edilməsi sahəsində mövcud vəziyyət haqqında məlumatlar təhlil edilmişdir. Aparılmış tədqiqatlar Azərbaycanda bərk məişət tullantılarının idarəçiliyi ilə əlaqədar Milli Strategiyanın hazırlanmasında əhəmiyyətli olacaqdır. 

Tədbirdə “COWI” şirkəti tərəfindən ölkədə bərk məişət tullantılarının idarə edilməsi üzrə mövcud vəziyyət, bu sahədə institusional və maliyyələşdirmə məsələləri, həmçinin Milli Strategiyanın hazırlanmasına dair tövsiyələrlə bağlı təqdimatlar keçirilmiş, mövzu ətrafında müzakirələr aparılmışdır.

 
2011-ci il "Təmiz Şəhər" ASC üçün uğurlu il olmuşdur PDF faylını al Çap E-poçt

2011-ci ildə "Təmiz Şəhər" ASC tərəfindən bərk məişət tullantılarının yerləşdirilməsi və zərərsizləşdirilməsi sisteminin müasir standartlara uyğun qurulması və paytaxt Bakının ekoloji vəziyyətinin yaxşılaşdırılması istiqamətində bir sıra tədbirlər həyata keçirilmişdir.

Ötən illərdə Bakı şəhərində əmələ gələn tullantıların qəbulu və zərərsizləşdirmməsi işinin təşkili və təkmilləşdirilməsi işləri davam etdirilmişdir. Belə ki, paytaxtın fəaliyyətdə olan yeganə rəsmi poliqonu - Balaxanı şəhər tullantılarının zərərsizləşdirilməsi poliqonunda abadlıq və yenidənqurma işləri uğurla həyata keçirilmişdir. Bərk Məişət Tullantılarının Yandırılması Zavodunun tikitisi üzrə lazımi koordinasiya və təşkilati işləri davam etdirilmiş və 2012-ci ilin sonlarında zavodun istismara verilməsi planlaşdırılır. Poliqon ərazisində Yuma və Dezinfeksiya məntəqəsinin tikintisi üzrə işlər artıq yekunlaşdırılıb. 4 yuma kabinasından ibarət olan yuma və dezinfeksiya məntəqəsi beynəlxalq standartlara cavab verəcək və gün ərzində poliqon ərzasinə daxil olan 400-dən çox maşına xidmət göstərə biləcək. Məişət tullantılarının çeşidlənməsi və ölkədə təkrar istehsal biznesinin inkişaf etdirilməsi məqsədilə hazırda Balaxanı qəsəbəsində illik 200 min ton tullantı qəbul etmək gücünə malik olan yarım-avtomatik çeşidləmə məntəqəsinin tikintisi davam etdirilir. Məntəqə 2012-ci ilin ortalarında istismara veriləcəkdir.

Dünya Bankının texniki dəstəyi ilə həyata keçirilən "Bərk məişət tullantılarının vahid idarəçiliyi" layihəsinin bütün komponentləri üzrə işlər davam etdirilir. Bu layihənin həyata keçirilməsi nəticəsində tullantıların idarə edilməsi sisteminin təkmilləşdirilməsi sahəsində əhəmiyyətli irəliləyişlərə nail olunacaqdır. Layihə çərçivəsində 2011-ci ildə "Təmiz Şəhər" ASC üçün maşın və texniki avadanlıqlar alınmışdır.

Həmçinin "Təmiz Şəhər" ASC tərəfindən məişət tullantılarının idarə edilməsi sahəsində Təmiz İnkişaf Mexanizmi üzrə iki potensial karbon krediti layihəsi işlənmişdir. Bunlardan birincisi tullantıların yandırılması zavodunun fəaliyyəti nəticəsində ətraf mühitə atıla biləcək istilik effekti yaradan qazların azaldılması ilə bağlıdır. Digər layihə Balaxanı poliqonunun müasir standartlara uyğun bərpası və tullantıların çürüməsi nəticəsində əmələ gələn istilik effekti yaradan metan qazının ətraf mühitə atılmasının qarşısının alınması və onun emalı nəticəsində istilik və ya elektrik enerjisinin əldə edilməsi ilə bağlıdır.

2011-ci ildə Heydər Əliyev Fondunun təşəbbüsü ilə "Təmiz Şəhər" ASC-nin Xəzər rayonunun Qala qəsəbəsində üzvi və qeyri-üzvi tullantıların ayrı-ayrılıqda yığılmasının və daşınmasının təşkili, "İçərişəhər" Dövlət Tarix - Memarlıq Qoruğu ilə birlikdə evlərdə və müəssisələrdə ilkin çeşidləmə üzrə pilot layihələr uğurla icra olunmuşdur. Həmin layihələr 2012-ci ildə də davam etdiriləcək.

Ötən il "Təmiz Şəhər" ASC ekoloji təmizlik istiqamətində bir sıra aksiyalar keçirmişdir. Səhmdar Cəmiyyətin təşəbbüsü ilə ibtidai sinif şagirdləri üçün 20 min tirajla nağıl və hekayə kitabları çap olunaraq Bakı məktəbləri arasında paylanmış, Lənkəranda "Gənclər təmizlik naminə" devizi altında tələbələr üçün yay məktəbi təşkil olunmuşdur. 2011-ci ilin sonunda İqtisadi İnkişaf  Nazirliyi və "Təmiz Şəhər" ASC tərəfindən Balaxanı poliqonu ərazisində 1000-ə yaxın yeni ağac əkilmişdir. Ümumiyyətlə, son 2 ildə poliqon ərazisində keçirilən yaşıllaşdırma aksiyaları çərçivəsində 3000-ə yaxın ağac və bəzək kolları əkilmişdir.

Bu tədbirlərlə yanaşı "Təmiz Şəhər" ASC əhalinin ətraf mühitin mühafizəsinə münasibətini dəyişmək, ictimaiyyətin diqqətini ekoloji problemlərin həllinə yönəltmək və tullantıların idarə olunması sahəsində əhalinin biliklərinin artırılması məqsədilə mühazirələr, uşaqlar və gənclərlə görüşlər, iməcliklər, yarışmalar təşkil etmişdir.

Azərbaycan Respublikasının Prezidenti 28 dekabr 2011-ci il tarixində sahibkarlığın dəstəklənməsi, müasir texnologiyalara əsaslanan sənaye müəssisələrinin təşkili və əhalinin istehsal sahəsində məşğulluğunun artırılması məqsədilə "Bakı şəhərində Balaxanı Sənaye Parkının yaradılması haqqında" və "Bakı şəhərində Balaxanı Sənaye Parkının fəaliyyətinin təmin edilməsi ilə bağlı tədbirlər haqqında" sərəncamlar imzalamışdır. Hazırda müvafiq dövlət qurumları həmin sərəncamlardan irəli gələn tapşırıqların icrasına başlamışdır.

2011-ci ildə "Təmiz Şəhər" ASC "Ekoloji vəziyyətin yaxşılaşdırılmasına verdiyi töhfəyə görə" nominasiyası üzrə "Uğur-2010" mükafatına layiq görülmüşdür. Həmçinin, ötən il "Təmiz Şəhər" ASC Beynəlxalq Bərk Məişət Tullantılar Assosiasiyasının üzvlüyünə qəbul edilmişdir. Bununla da, Səhmdar Cəmiyyət beynəlxalq əməkdaşlığı genişləndirməklə digər ölkələrin təcrübəsindən yararlanmaq və qlobal səviyyədə tullantıların idarəolunmasının bütün aspektləri üzrə məlumat və təcrübə mübadiləsi etmək hüququ əldə etmişdir.

http://www.economy.gov.az/index.php?option=com_content&view=article&id=1997:-2011-ci-il-qtmiz-hrq-asc-uecuen-uurlu-il-olmudur

 
Avropaya səfər PDF faylını al Çap E-poçt

Bərk Məişət Tullantılarının Vahid Idarəçiliyi Layihəsi çərçivəsində “Yeni Bərk Məişət Tullantıları İdarəçiliyi Şirkətinə idarəetmə dəstəyi üzrə məsləhət xidmətləri” göstərilməsi məqsədilə Layihənin İdarəetmə Qrupu və “Təmiz Şəhər” ASC-nin əməkdaşları üçün xarici ölkələrdə fəaliyyət göstərən və müasir texnologiyalarla idarə olunan tullantıların zərərsizləşdirilməsi poliqonları və tullantıların yandırılması zavodlarına səfər poqramlarının təşkili nəzərdə tutulmuşdur.

Bu məqsədlə “İntegrated Skills” şirkəti 2011-ci il 15-22 may tarixlərində Çexiya Respublikası, Slovakiya və Macarıstana səfər proqramı təşkil etmişdir. Səfər proqramında Layihənin İdarəetmə Qrupunun direktor müavini Vüsal Nəsirli, ətraf mühit üzrə mütəxəssis Faiq Sadıqov, mühəndis İlqar Cəlilov və “Təmiz Şəhər” ASC-nin əməkdaşları Azad Fərmanov, İkram Dəmirov, Oqtay Məmmədov və Ergin İsmayıl iştirak etmişlər.

Səfər proqramı çərçivəsində Praqa şəhərində Mərkəzi Avropa ölkələrində poliqonların idarə edilməsi ilə məşğul olan və hazırda Praqa və Bratislava şəhərlərində yerləşən poliqonları idarə edən “A.S.A” şirkəti ilə görüş keçirilmişdir. Bu şirkət fəaliyyətini Avropa İttifaqında bərk məişət tullantılarının idarə edilməsi üzrə qanunvericiliyinin tələblərinə uyğun həyata keçirir. Şirkətin nümayəndələri ilə görüşdən sonra Praqa şəhərində yerləşən “Dablice” tullantı poliqonuna səfər edilmişdir. Praqa şəhərində həmçinin tullantıların toplanması, daşınması və yandırılması ilə məşğul olan  “Pražské služby a.s.” şirkəti ilə görüş keçirilmişdir.

18 may tarixində Bratislavada yerləşən və ildə təxminən 170 min ton tullantıları idarə edən “OLO a.s.” şirkəti ilə görüş keçirilmişdir. Şirkətin xidmət dairəsinə tullantıların toplanması, çeşidlənməsi və yandırılması aiddir. Həmçinin Bratislavanın tullantı poliqonuna səfər edilmişdir və burada tətbiq edilən texnologiyalarla tanış olunmuşdur. 

Səfər proqramının son günlərində Budapeşt şəhərində yerləşən “FKF Zrt” şirkəti ilə görüş keçirilmiş, poliqon və tullantı yandırma zavoduna səfər təşkil edilmişdir. Budapeştin “FKF Zrt” şirkəti bələdiyyə mülkiyyətindədir və hər il təxminən 1,2 mln ton tullantıları idarə edir, bunlardan 400 min ton tullantı yandırma zavodunda yandırılır. Şirkət Budapeşt şəhərində tullantıların toplanması, daşınması, çeşidlənməsi və zərərsizləşdirilməsi ilə məşğuldur. “Pustazamor” tullantı poliqonu avropa standartlarına uyğun fəaliyyət göstərir və müasir texnika və avadanlıqla təchiz edilib. Poliqondan başqa Budapeştdə yerləşən və gücü ildə 400 min ton olan müasir tullantı yandırma zavoduna səfər edilmiş və zavodda istifadə olunan texnologiyalarla tanış olunmuşdur.

 
«BaşlamaqƏvvəlki123456NövbətiAxırıncı»

Səhifə 4 > 6

2010-2017 Copyright ISWM, Azerbaijan. Support: NetSoft